Jimmy Martin | |||
Fødd | 10. august 1927 | ||
---|---|---|---|
Fødestad | Sneedville i Tennessee i USA | ||
Død | 14. mai 2005 (77 år) | ||
Dødsstad | Nashville i USA | ||
Opphav | USA | ||
Aktiv | 1949–2005 | ||
Sjanger | Bluegrass | ||
Instrument | Gitar, mandolin | ||
Tilknytte artistar | Bill Monroe Lloyd Locke | ||
Plateselskap | Decca, Coral, MCA, Gusto | ||
Verka som | Musikar |
James Henry Martin (10. august 1927–14. mai 2005) var ein USA-amerikansk bluegrassmusikar, kjend som «King of Bluegrass».[1]
Martin vart kjend då han byrja å spele med Bill Monroe i 1949, og spelte med han fram til 1955, då han skipa sitt eige band, The Sunny Mountain Boys.
Martin var kjend for eit farleg uføreseieleg, men særs underhaldande nærvære på scenen. Han snakka ope om alkoholproblemet sitt og dei kraftige humørsvingingane, som hindra han i å oppnå den livslange draumen om å få bli ein del av Grand Ole Opry.
Han spelte ofte på Louisiana Hayride og WWVA Jamboree (sidan kalla Jamboree U.S.A. i 1960-åra), i tillegg til Grand Ole Opry, men vart aldri invitert til å bli med fast på sistnemnde. Han spelte på Nitty Gritty Dirt Band-albumet Will the Circle Be Unbroken i 1972, i tillegg til oppfølgjarane Volume II (1989) og Volume III (2002).